ABŞ və Kuba illər sonra müqavilə bağladı - DETALLAR

Birləşmiş Ştatlar və Kubanın hakimiyyət orqanları Havananın 553 məhbusu azad etdiyi müqaviləni bağlaya bilib. 

Sfera.az xəbər verir ki, bunun müqabilində ABŞ prezidenti vəzifəsini tərk edən Co Bayden Konqresə Kubanın terrorizmi himayə edən ölkələr siyahısından çıxarıldığını bildirib. Bu barədə Ağ Evin mətbuat xidməti məlumat yayıb.

Baydenin brifinq bəyanatında bildirilir ki, son altı ayda Kuba heç bir şəkildə beynəlxalq terrorizmi dəstəkləməyib və gələcəkdə beynəlxalq terrorizmə dəstək verməyəcəyinə dair ABŞ-yə zəmanət verib.

Xatırladaq ki, Kuba 1962-ci ildən Amerikanın sanksiyaları altındadır. Kuba kommunist hökuməti Baydenin bu qərarını alqışlayıb, bunu düzgün istiqamətdə atılan addım hesab edib, lakin 1962-ci ildən tətbiq edilən sanksiyaların hələ də qüvvədə qalmasından təəssüfləndiyini bildirib. Kuba Birləşmiş Ştatları onilliklər ərzində iqtisadi böhran şəraitində olmasında günahkar hesab edir ki, bu da ərzaq, dərman, yanacaq və elektrik enerjisi çatışmazlığı ilə ifadə olunur. 

İnci