Çoxəsrlik ənənəni pozur: Mişel Obama Trampın andiçmə mərasimində iştirak etməyəcək
ABŞ-ın keçmiş birinci xanımı Mişel Obama gələn həftə yeni seçilmiş prezident Donald Trampın andiçmə mərasimində iştirak etməyəcək. Bu barədə xanım Obamanın ofisi heç bir açıqlama vermədən bildirib. Bu çoxəsrlik ənənəni pozmaq deməkdir, çünki keçmiş prezidentlər və onların həyat yoldaşları adətən ABŞ-ın yeni prezidentinin andiçmə mərasimində iştirak edirlər.
Sfera.az bildirir ki, ABŞ-ın keçmiş birinci xanımının ofisi qərarını açıqlasa da, səbəbini açıqlamayıb. Bununla belə, Mişel Obama Donald Trampı bəyənmədiyini gizlətməyib.
"Keçmiş prezident Barak Obamanın 60-cı andiçmə mərasimində iştirak edəcəyi təsdiqlənib. Keçmiş birinci xanım Mişel Obama qarşıdan gələn İnauqurasiya mərasimində iştirak etməyəcək" - deyə Barak və Mişel Obamanın ofisinin bəyanatında bildirilir.
Donald Trampın rəsmi andiçmə mərasimində iştirak etməmək qərarı, adətən keçmiş prezidentlərin və onların həyat yoldaşlarının iştirak etdiyi mərasimdə ənənənin pozulmasıdır. Andiçmə mərasimində keçmiş prezident Corc Buş və Laura Buş iştirak edəcəklər və prezidentə yaxın olan mənbələr Bill Klinton və Hillari Klintonun da orada olacağını bildiriblər.
Qeyd edək ki, Mişel Obama keçmiş prezident Cimmi Karterin keçən həftə keçirilən anım mərasiminə də qatılmayıb, əvəzində Havayda qalıb. Keçmiş prezident Barak Obama Vaşinqtonda Milli Katedraldə keçirilən mərasimə qatılıb, Trampın yanında oturaraq onunla söhbət edib.
Hillari Klinton və Laura Buş da daxil olmaqla digər keçmiş birinci xanımlar 100 yaşında vəfat edən Cimmi Karterin dəfn mərasimində iştirak ediblər.
Mişel Obama isə ritorikası ilə ailəsini təhlükəyə atmaqda ittiham etdiyi Trampa qarşı düşmənçiliyini dilə gətirib.
2017-ci ildə o, Trampın ilk prezident seçkilərində qalib gəldikdən sonra şəxsi hisslərini bir kənara qoyub və yeni prezidentlə Melaniya Trampı həmin il inauqurasiyadan əvvəl Ağ Evə çay içməyə dəvət edib.
Qeyd edək ki, 2020-ci il seçkilərində qalib gəldiyinə dair yalan iddiaları fonunda Tramplar da prezident Co Baydenin andiçmə mərasiminə qatılmayıb.
Xatırladaq ki, Cimmi Karterin dəfn mərasimində Donald Trampla Barak Obamanın canlı söhbəti diqqətdən yayınmayıb.
Aysel
