Velosipedlərə belə yer yoxdur: Dünyanın ən sıx məskunlaşdığı adada insanlar necə yaşayır? - FOTOLAR
Dünya maraqlı və bənzərsiz yerlərlə doludur. Kolumbiyanın Kartagena şəhərindən iki saatlıq qayıqla səyahət dünyanın ən sıx məskunlaşdığı yer hesab edilən Santa Cruz del Islote adlı süni şəkildə yaradılmış xüsusi kiçik bir adadır. Ada dağıntılardan, mərcanlardan və qayalardan hazırlanmış, cəmi bir hektar ərazini əhatə edir. Hazırda orada 1200-ə yaxın insan yaşayır.
Sfera.az bildirir ki, Santa Cruz del Islote adası əhalinin ən sıx məskunlaşdığı yer hesab olunur.
Adada hökumət və ya polis olmasa da, Santa Cruz del Islote təhlükəsiz yer hesab olunur, bütün münaqişələr yerli şura adlanan qurum tərəfindən həll edilir.
Burada hər bir insanın hərəkət etmək üçün 10 kvadratmetrdən az sahəsi var. Adanın dörd kiçik küçəsi və altı xiyabanında mağazalar, tibb mərkəzi, məktəb, restoran və yataqxana var. Ərazinin qalan hissəsini evlər tutur - adada 97 ev var, onların əksəriyyəti infrastruktur üçün yer olmadığına görə iki mərtəbəlidir. Əgər ailə öz evində dar hiss edirsə, sadəcə olaraq üstünə başqa mərtəbə əlavə edirlər.
Adada polis və ya rəsmi orqan yoxdur. Bununla belə, icma özünü təşkil etmək yolunu tapıb - sakinlərin aktual problemləri həll edən və münaqişələrin həllinə kömək edən bir növ rayon şurası var. Eyni zamanda, Santa Cruz del Islote yaşamaq üçün təhlükəsiz yer hesab olunur, çünki adada oğurluq yoxdur və kiçik mübahisələr öz aralarında həll olunur.
Tikinti zamanı "boş" kərpic və sement istifadə olunur. Sakinlər damları tropik iqlimə davamlı metaldan düzəldirlər. Şüşəsiz çoxlu pəncərələr var, buna görə də bir çox sakinlərin evlərində nə baş verdiyini eşidə bilərsiniz. Üstəlik, səs hər tərəfə yayılır, ona görə də kimsə adanın bir ucunda danışanda, digər ucunda eşidilə bilər.
Santa Cruz del Islotedə içməli su yoxdur - yerli sakinlər yağış suyunu toplayır və ya başqa adalardan gətirirlər. Elektrik yalnız bir neçə il əvvəl Yaponiyanın hədiyyə etdiyi günəş panelləri sayəsində ortaya çıxıb.
Əhali balıqçılıq və turizmlə dolanır. Əsasən də turizm sakinlərin əsas gəlir mənbələrindən biri olsa da, yerli əhali arasında diskomfort yaradır. Belə ki, mövsüm ərzində yerli əhali gündə 900 nəfəri qəbul edir.
Adada nəqliyyat yoxdur.
"Maşın və ya motosikl yoxdur. Hər şey piyada edilir və velosipedə nadir hallarda rast gəlinir. Gəzinti təkcə yer olmadığına görə deyil, həm də yerin quruluşuna görə gəzmək üçün yeganə yoldur. Başqa heç nəyə icazə verilmir”– deyə jurnalist Dieqo Robledo bildirir.
Əsas görməli yerlərdən biri də dənizin torla hasarlanmış hissəsidir. Orada turistlər stingrays və köpəkbalığı ilə üzə bilər. Sonuncu dişləri olmadığına görə insanlar üçün təhlükəli deyil.
Aynil
