2024-cü il Olimpiya mükafatçıları 100-dən çox medalı təşkilat komitəsinə qaytardı: Problem nədir?
2024-cü ildə Parisdə keçirilən Olimpiya Oyunlarında medal qazanan idmançılar dörd ay ərzində 100-dən çox medalı Olimpiya və Paralimpiya Oyunlarının təşkilat komitəsinə qaytarıblar.
Sfera.az bildirir ki, Paris Sikkəxanasının istehsal etdiyi medallar qüsurludur. Əksəriyyəti çatlarla örtülü və keyfiyyətsiz lak səbəbindən öz gözəl görünüşünü tez itirir.
İdmançılar kütləvi şəkildə mükafatlarının örtüyünün soyulmasından şikayətlənirlər. Jurnalistlərin sözlərinə görə, Paris Sikkəxanası olimpiada ərəfəsində lazımi sınaqdan keçmədən zəhərli lakı təcili olaraq başqa lakla əvəz edib.
Amerikalı skeytbordçu Nyjah Huston bürünc medalını avqustun 2-də Olimpiada hələ davam edərkən sosial şəbəkədə pis vəziyyətdə nümayiş etdirib.. Avqustun 9-da üzgüçü Maksim Grousset də mükafatın keyfiyyətindən şikayətlənib.
Avqustun 15-də Paris Sikkəxanasının baş direktoru Mark Şvarts qüsurlu medalları müzakirə etmək üçün təcili iclas keçirmək üçün üç istehsal və keyfiyyət direktorunu məzuniyyətdən geri çağırıb. Məqalə müəlliflərinin sözlərinə görə, qalmaqal başlayandan sonra üç menecer öz vəzifəsini tərk edib və texniki həlli heç vaxt tapılmayıb.
Jurnalistlər qeyd edirlər ki, Paris Sikkəxanasında Olimpiada başlamazdan xeyli əvvəl, ən azı on beş ay ərzində qüsurlu laklarla bağlı problemlər olub. Medalların üzərindəki lakların soyulmasına istehsalda texnoloji dəyişikliklər səbəb olub. European Reach Direktivinə edilən yeniləmə lakın zəhərli komponenti olan xrom trioksidi qadağan edib. ət ödəyib”.
Oyunların təşkilat komitəsi idmançılardan qüsurlu medalları götürür və onların “yaxın bir neçə həftə ərzində” yeniləri ilə əvəz olunacağına əmindir.
Xatırladaq ki, dekabrın 29-da 4x100 m qarışıq üzgüçülük yarışının qalibləri Klement Sekki və İohan Ndoye-Brouard 2024-cü il Paris Olimpiadasından aldıqları mükafatların vəziyyətindən şikayət etmişdilər. Medallar tamamilə soyulmuş olub.
Aysel
