Slovakiyanın baş naziri Zelenskini danışıqlara dəvət etdi

Slovakiyanın Baş naziri Robert Fiko Ukrayna Prezidenti Volodimir Zelenskini iki dövlət arasında mübahisəni həll etmək üçün qaz tranziti ilə bağlı danışıqlara dəvət edib.

 

Sfera.az bildirir ki, bu barədə Reuters xəbər yayıb.
 

Agentlik Slovakiya hökuməti başçısının Ukrayna liderinə ünvanladığı məktubun mətnindən sitat gətirib: “Belə görüş Slovakiya və digər ölkələrə Ukrayna ərazisindən qaz nəqlinin açıq müzakirəsi üçün yaxşı zəmin yaradacaq”.
 

Bundan əvvəl Fiko Rusiya qazının Avropaya tədarükü məsələsində Ukraynasız işləmək imkanını açıqlamışdı. O əlavə edib ki, yerli enerji şirkəti SPP cari istilik mövsümünə əvvəlcədən hazırlaşıb və özünün yeraltı anbarlarını əvvəlcədən doldurub. Buna görə də, Bratislava enerji ilə bağlı fövqəladə hallar zamanı təhlükəsizlik şəbəkəsinə malikdir.

İnci