"Könüllü növbələri tarix oldu, ukraynalılar ordudan qaçır..." - "DiePresse"

Ukraynada çağırışçılarla bağlı narahatlıqlar yaşanır.

Sfera.az bildirir ki, bu barədə Avstriyanın “DiePresse” qəzeti məlumat yayıb. Qeyd olunub ki, ukraynalılar getdikcə daha çox qaçır və nəticədə, ordu çağırışçıların hazırlanmasında problemlərlə qarşılaşır.

“Təxminən üç ildən sonra Ukrayna ordusu şəxsi heyətlə bağlı problemlərlə üzləşib. Səfərbərlik mərkəzləri qarşısında könüllülərin növbələri keçmişdə qalıb. Bu gün bir çox kişi TCC kimi tanınan qurumlardan (Ukraynadakı hərbi qeydiyyat və komissarlığa bənzər ərazi qəbul mərkəzləri) qaçır” - nəşr bildirib.

Qəzet ekspertlərə istinadən kadrları səfərbər etmək və idarə etmək üçün strukturların səmərəsizliyini də vurğulayıb. Beynəlxalq Böhran Qrupunun baş analitiki Saymon Şlegelin fikrincə, hazırkı şəraitdə yeni çağırışçılara lazımi təlim keçmək üçün kifayət qədər insan yoxdur, çünki təcrübəli əsgərlər aktiv döyüş zonasını tərk edə bilmirlər. 

Bundan əlavə, ekspertlər hesab edirlər ki, Ukraynanın 30 minə qədər insanı səfərbər edəcəyini göstərən rəsmi məlumatlar şişirdilib. Eyni zamanda, məlumata görə, hazırda 100 mindən çox kişi xidmət yerini icazəsiz tərk edib. 

Günay