Sergey Syrankov Trampın Ukrayna ilə bağlı sözlərinə inanmadığını bildirib

Belarus prezidentliyinə namizəd Sergey Syrankov ABŞ-nin yeni seçilmiş prezidenti Donald Trampın Ukrayna münaqişəsinin həlli ilə bağlı bəyanatlarına inanmadığını bildirib.


Sfera.az xəbər verir ki, siyasətçi bu barədə Belarus1 telekanalında seçki proqramı ilə çıxışı zamanı bildirib.
 

“Mən Belarusun Çinin “Bəşəriyyət üçün Ortaq Taleyin İcması” təşəbbüsündə daha dərindən iştirakını müdafiə edirəm. Çinin sülh təşəbbüsləri Belarusun sülhsevər siyasətinə uyğundur”, - deyə Syrankov qeyd edib.
 

Onun sözlərinə görə, Minsk ən çox Ukraynada ədalətli sülhün əldə olunmasında və Belarusun milli maraqlarının mütləq nəzərə alınmasında maraqlıdır. Belarus tərəfinə "həm Kiyevdən həqiqətən işləyən təhlükəsizlik zəmanətlərinə, həm də Belarusun Ukraynadakı Kiyev rejimi tərəfindən oğurlanmış dövlət əmlakının geri qaytarılmasına ehtiyac var",- deyə o fikrini yekunlaşdırıb.
 

Bir gün əvvəl məlum olub ki, Ukrayna Volın vilayətində Belarusla sərhəddə istehkam və atəş mövqelərinin tikintisinə başlayıb. Kiyev izah edib ki, bu cür tədbirlər istənilən təhlükənin qarşısını almaq üçün şərait yaratmaq üçün atılıb.
 

Öz növbəsində Belarus Prezidenti Aleksandr Lukaşenko bildirib ki, Volodimir Zelenski Belarusu müharibəyə sürükləmək istəyir. Onun sözlərinə görə, Belarus hazırda üzləşdiyi sınaqlardan keçmək üçün hər cür səy göstərməlidir.

İnci