Donald Trampın oğlu Kaliforniyadakı meşə yanğınlarında Ukraynanı günahlandırır
Donald Trampın oğlu Kaliforniyadakı meşə yanğınlarında Ukraynanı günahlandırır : İlon Mask isə onu dəstəkləyib
ABŞ-ın Kaliforniya ştatı böyük meşə yanğınları ilə mübarizə aparır. ABŞ-ın yeni seçilmiş prezidenti Donald Trampın oğlu təbii fəlakətdə Ukraynanı günahlandıra bilib. O, Los-Ancelesdəki yanğınlarla ABŞ-ın Ukraynaya dəstəyi arasında əlaqə olduğunu yazıb, milyarder İlon Mask da bu qənaətlərlə razılaşıb.
Sfera.az xəbər verir ki, alovlar Los-Ancelesə yaxınlaşdıqca Kaliforniya kütləvi meşə yanğınları ilə mübarizə aparır.
Kiçik Donald Tramp əmindir ki, ştatın tarixindəki ən dağıdıcı yanğında “Ukrayna izi” var. İddialara görə, Los-Anceles Yanğınsöndürmə İdarəsi Ukraynaya çoxlu avadanlıq bağışlayıb və indi yanğının öhdəsindən gələ bilmir.
Kiçik Donald Tramp sosial media platforması “X”də Los-Anceles Yanğınsöndürmə İdarəsinin təchizatlarının bir hissəsini Ukraynaya bağışladığını yazıb. Mask bu tviti repost edib.
Kiçik Tramp əvvəlcə Los-Anceles Yanğın Departamentinin Ukraynaya avadanlıq bağışladığını xatırladan keçmiş investisiya bankiri Con LeFevrenin tvitini yenidən paylaşıb. Xəbər skrinşotlarına əsasən, bu 18 mart 2022-ci ilə aiddir.
Yerli KİV Ukraynanın həmin vaxt anbarlardan artıq avadanlıq: şlanqlar, ucluqlar, dəbilqələr, zirehlər və digər fərdi mühafizə vasitələri aldığını yazıb.
Eyni zamanda, Donald Tramp ABŞ prezidenti Co Baydeni Kaliforniyada güclü yanğınlara səbəb olan hərəkətsizliyə görə tənqid edib. Onun sözlərinə görə, baş verənlər Baydenin açıq-aşkar səriştəsizliyinin və səhv idarəçiliyinin simvolu rolunu oynayacaq.
Gələcək prezident əmindir ki, Kaliforniyada tüğyan edən yanğınlar iqtisadi baxımdan ABŞ tarixində ən dağıdıcı ola bilər.
Qeyd edək ki, Los-Anceles yaxınlığında meşə yanğınlarının təxmini zərəri artıq 52-57 milyard dollar qiymətləndirilir.
Aynil
