Hollivudda film çəkilişləri dayandırıldı - SƏBƏB

ABŞ-nin Los-Anceles şəhərində güclü meşə yanğınlarının baş verməsi bəzi serialların və filmlərin çəkilişinin təxirə salınmasına səbəb olub.

Sfera.az xatırladır ki, bu şəhərdə dünyanın ən böyük kino sənaye mərkəzi olan Hollivud yerləşir. Yanğınlarla əlaqədar Los-Ancelesin Altadena, La-Kresenta, La-Kanada və Pasadene bölgələrində bütün çəkiliş icazələri ləğv olunub.

Los-Ancelesdə çəkiliş yerlərinin əksəriyyəti birbaşa yanğın zonasında olmasa da, havanın keyfiyyəti sağlamlıq üçün təhlükəli olduğundan və sakinlərdən zərurət olmadıqca yollardan kənarda qalmaları xahiş olunduğundan çəkilişlər mümkün olmayıb.

Məlumata əsasən, "Sly", "The Money", "Ted", "Suits: Los Angeles" və "The Lucky Place" filmlərinin istehsalı dayandırılıb.

Vasif

Sfera.az