Tramp avtomobil istehsalçılarını qorxuya saldı - Zavodlar ABŞ-yə köçürüləcək
Donald Trampın açıqlamaları böyük ixrac imkanları olan avtomobil və onların ehtiyat hissələrinin istehsalçılarını qorxuya salıb.
Sfera.az xatırladır ki, Tramp daxili bazarı qorumaq üçün bəzi ölkələrdən idxal edilən mallara qarşı idxal tariflərini artıracağını bəyan edib.
Ekspertlərin qiymətləndirməsinə görə, tariflərin artırılmasından ən çox zərər çəkəcək sahələr arasında avtomobil sənayesi də var. Mümkün risklərdən yayınmaq üçün bəzi iri istehsalçılar ABŞ-də istehsal müəssisələri yaratmağı düşünürlər. Tramp prezident vəzifəsinin icrasına başlayandan sonra Çindən idxala 60 faiz, Kanada və Meksikadan idxala 25 faiz, digər ölkələrdən idxala isə 10 faiz rüsum tətbiq edəcəyini bildirib.
Bu cür yüksək tariflər daha ucuz bazarlarda istehsal olunan bir çox avtomobil hissələrini gəlirsiz edəcək və məhsulların ABŞ-dən atılmasını praktiki olaraq qeyri-mümkün edəcək.
Dünyanın ən böyük avtomobil hissələri tədarükçüsü olan “Bosch”un Şimali Amerika üzrə prezidenti Pol Tomas “Reuters” agentliyinə bununla bağlı öz narahatlığını ifadə edib:
"Biz satışların azalmaması üçün Tramp vəzifəyə başlamazdan əvvəl bir neçə variantı nəzərdən keçirmişik. Əvvəl Malayziyada və ya digər oxşar bazarlarda istehsal etməyi düşündüyümüz məhsulları artıq Meksika və ya Braziliyada istehsal etməyi nəzərdən keçiririk. “Bosch” hər hansı bir böyük qərar qəbul etməzdən əvvəl nə baş verdiyini görmək üçün yanvarın 20-nə qədər gözləyəcək. Bu, digər təchizatçılar və avtomobil istehsalçıları tərəfindən də səslənən bir fikirdir”.
Xatırladaq ki, Trampın ilk prezidentliyi dövründə ayrı-ayrı ölkələrə və hətta ayrı-ayrı avtomobil istehsalçılarına ABŞ-də istehsalı artırmağa həvəsləndirmək üçün tarif təzyiqindən istifadə etdi.
“Toyota” 2017-ci ilin əvvəlində amerikalı istehlakçılar üçün Meksikada “Corolla” sedanı istehsal etməyi planlaşdırdığını elan edəndə Tramp "Tvitter"də bunları yazıb:
“YOX! ABŞ-də zavod tikin və ya böyük bir sərhəd vergisi ödəyin."
Bir il sonra “Toyota” Alabamada Mazda ilə 1,6 milyard dollar dəyərində ortaq zavod açacağını elan edib və Tramp bunu “qələbə” adlandırdı. Ekspertlər oxşar təzyiqlərin ikinci prezidentli dövründə də tətbiq ediləcəyinə inanırlar.
Vasif
Sfera.az
