Almaniya 1949-cu ildən bəri ən pis böhranı elan edib

Almaniya iqtisadiyyatı son 75 ilin ən uzun sürən böhranını yaşayır və sürətli bərpa gözlənilmir.

Sfera.az bildirir ki, "Bild" qəzeti bu barədə Almaniyanın Metallurgiya və Elektrik Sənayesində İşəgötürənlərin Gesamtmetall Assosiasiyasının araşdırmasına istinadən məlumat yayıb.

“Almaniya son 75 ilin ən pis böhranını yaşayır. İqtisadiyyatımız 1949-cu ildən bəri heç vaxt olmadığı qədər tənəzzülə uğrayıb”, - materialda bildirilib.

İşəgötürənlər həmkarlar ittifaqının rəhbəri Stefan Volf vurğulayıb ki, indiki tənəzzül müasir Almaniya tarixində ən uzunmüddətli tənəzzüldür. Onun sözlərinə görə, 2024-cü ildə ölkədə ÜDM-də güclü eniş baş verib və bu səbəbdən 2025-ci il üçün proqnozlar aşağıya doğru yenidən nəzərdən keçirilir.

Bundan əvvəl Almaniyanın İqtisadiyyat və İqlim Mühafizəsi naziri Robert Habek 2018-ci ildən Almaniya iqtisadiyyatında artımın olmamasından şikayətlənmişdi. “İqtisadiyyat hazırda dərin, struktur böhranı yaşayır və bunun kökləri uzun illərdir həll olunmayan problemlərə dayanır”,- o deyib.

İnci