Türkiyə XİN Ukrayna ilə bağlı danışıqlara ev sahibliyi etməyə hazır olduğunu açıqlayıb

Türkiyə Ukraynadakı münaqişənin həlli üçün qarşıdurma tərəflərinin razılaşdırdığı istənilən formatda danışıqları qəbul etməyə hazırdır.

Sfera.az bildirir ki, RİA Novosti bu barədə Türkiyə Xarici İşlər Nazirliyindəki mənbəyə istinadən xəbər yayıb.

“Əslində biz müharibənin ilk günlərində əvvəlcə Antalyada, sonra İstanbulda tərəfləri bir araya gətirdik. İstanbulda aparılan texniki danışıqlar nəticəsində sülhə çox yaxınlaşdıq”, - agentliyin həmsöhbəti bildirib.

Türkiyə Xarici İşlər Nazirliyindəki mənbə Ankaranın münaqişə tərəfləri arasında format və parametrləri qarşılıqlı razılaşdırmaq üçün Ukrayna üzrə danışıqları qəbul etməyə hazır olduğunu açıqlayıb. Qeyd olunur ki, Türkiyə rəhbərliyi hələlik tərəflərə konkret həll planı təqdim etməyib.

Bundan əvvəl isə Fransa Prezidenti Emmanuel Makron Ukraynaya ərazi məsələlərində real müzakirələrin aparılmasının vacibliyinə işarə edib. O, həmçinin vurğulayıb ki, münaqişənin həlli prosesi sadə ola bilməz.

İnci