Rusiya XİN: Fransa ikili standartlardan istifadə edir
Rusiya Xarici İşlər Nazirliyinin rəsmi nümayəndəsi Mariya Zaxarova Fransa Prezidenti Emmanuel Makronu sahibkar İlon Maskla bağlı açıqlamalarına görə tənqid edərək, Parisin ikili standartlarına işarə edib.
Sfera.az xəbər verir ki, bu barədə diplomat özünün Telegram kanalında yazıb.
Tənqidlərə səbəb Makronun Mask haqqında “10 il əvvəl sosial şəbəkələrdə böyük media təsiri olan bir şəxsin başqa ölkələrdəki seçkilərə birbaşa müdaxilə edəcəyinə inanmaq çətin idi” deməsi olub .
“Yəni həmin sosial şəbəkə “Twitter” adlananda (indi X ) və birbaşa seçkilərə müdaxilə etmək üçün deyil, onun köməyi ilə “rəngli inqilablar” və “Ərəb baharı” təşçkil edib, bir sıra ölkələrdə hakimiyyət dəyişikliyi edirdilər, o zaman Paris buna əhəmiyyət vermədi”, - Zaxarova öz şərhində qeyd edib.
Rusiya Xarici İşlər Nazirliyinin rəsmi nümayəndəsi xatırladıb ki, rəsmi Paris yüz minlərlə qaçqının miqrasiyası şəklində nəticələrə baxmayaraq, bir sıra ölkələrdə hakimiyyət dəyişikliyini şişirdib və dəstəkləyib.
Zaxarova həmçinin qeyd edib ki, Paris sosial şəbəkələrdə rusofobiyanı açıq şəkildə dəstəkləyib, həmçinin ruslara qarşı zorakılıq tətbiq etmək və rus mədəniyyətini “ləğv etmək” çağırışlarını təşviq edib.
Lakin “X” siyasi vektorunu dəyişəndə, Paris “birdən” təşvişə düşdü” deyən Zaxarova Fransa prezidentinin “uzun illərdir təbliğ etdiyi qaydalarla yaşamaqdan” narazı olduğunu bildirib.
İnci
