Elektrik naqillərinin üzərinə yıxılan turist minlərlə sakini işıqsız qoydu - FOTO
Argentinada yamac paraşütü ilə uçan turist elektrik naqillərinə yıxıldıqdan sonra bütün ərazini elektrik enerjisindən məhrum edib.
Sfera.az bildirir ki, kabellərə qarışan qadın yanğınsöndürənlər və polis tərəfindən xilas edilməli olub.
O, yanıq xəsarətləri ilə xəstəxanaya çatdırılıb.
Eyni zamanda qəza Argentinanın paytaxtı Buenos Ayresin cənub-qərbində yerləşən Bariloche şəhərini işıqsız qoyub.
Bariloche Elektrik Kooperativi 31 transformator sıradan çıxdığı üçün insidentin 3000-ə yaxın sakinə təsir etdiyini bildirib.
Tezliklə elektrik enerjisinin verilişi bərpa olunub.
Hadisə kanat yolu yaxınlığında baş verib.
Jurnalistlər qeyd ediblər ki, elektrik xətlərinin paraplançıların eniş yerinə yaxın olması ilə bağlı əvvəllər də dəfələrlə narazılıqlar ifadə olunub.
Aysel
