Avropada qazın qiyməti ən yüksək həddə çatdı
Bu gün Avropa ölkələrində qazın qiyməti 2023-cü ilin oktyabrından bu yana ən yüksək həddə çatıb.
Sfera.az xəbər verir ki, bu barədə “Bloomberg” agentliyi yazıb.
Bildirilib ki, buna səbəb, əsas olaraq Rusiya qazının Ukrayna ərazisi vasitəsilə nəqlinin dayandırılması, eləcə də Norveçdə mayeləşdirilmiş maye qaz hasilatı üzrə müəssisənin işini dayandırması olub.
Həmin müəssisənin yanvarın 9-da işini bərpa edəcəyi gözlənilir.
Qeyd edək ki, cari ilin yanvarın 1-dən Rusiya qazının Ukrayna ərazisi vasitəsilə Avropaya nəqli tamamilə dayandırılıb. Rusiyanın “Qazprom” şirkətinin məlumatına görə, qazın nəqli ilə bağlı “Naftoqaz Ukrainı” şirkəti ilə bağlanan 5 illik müqavilənin müddəti başa çatıb.
“Ukrayna tərəfi müqavilənin müddətini uzatmaqdan imtina etdiyindən, “Qazprom”un qazı nəql etməyə nə texniki, nə də hüquqi imkanları var”, - deyə şirkətin məlumatında qeyd edilib.
