2024-cü ilin 3-cü rübündə iOS cihazları Android cihazları ilə müqayisədə fişinq hücumlarına qarşı daha yüksək zəiflik nümayiş etdirib.

Sfera.az xəbər verir ki, "Lookout"un 220 milyon mobil cihazı və 360 milyon tətbiqi əhatə edən araşdırmasına görə, iOS cihaz sahiblərinin 18,4%-i, Android istifadəçilərinin 11,4%-i fişinq hücumlarına məruz qalıb.

Bulud təhlükəsizliyi şirkəti olan "Lookout" 2019-cu ildən bəri fişinq də daxil olmaqla, 473 milyondan çox zərərli veb-saytı qeydə alan sistemindəki məlumatları təhlil edib. Tədqiqat nəticəsində müəyyən edilib ki, korporativ iOS istifadəçiləri daha böyük risk altındadır: müəssisə iOS cihazlarının 19%-i ən azı bir hücuma məruz qalıb, Android cihazları arasında isə bu göstərici 10,9% təşkil edib.

Bu fərqin səbəblərindən biri, iOS-un müəssisə istifadəçiləri arasında geniş yayılmasıdır. "Lookout"un Android cihazlarından iki dəfə çox iOS cihazları var ki, bu da Apple sahiblərini kibercinayətkarlar üçün xüsusilə cəlbedici hədəfə çevirir. Bununla belə, yayılma yeganə amil deyil. Apple cihazları hakerlər tərəfindən brendin reputasiyası və iOS istifadəçilərinin daha çox xərcləmə meyli nəzərə alınmaqla, daha “premium” hədəf kimi qəbul edilir.

Fişinq hücumları kibercinayətkarlar üçün məlumatları oğurlamaq üçün ən populyar taktikalardan biri olmaqda davam edir.

iOS cihaz sahiblərinə, xüsusən də müəssisə mühitində aşağıdakılar tövsiyə olunur:

Fişinq əleyhinə funksiyalar da daxil olmaqla, təhlükəsizlik parametrlərinə diqqət yetirin.

Kibertəhlükəsizlik proqramlarından istifadə edin.

E-poçt və mesajlardakı keçidləri açarkən, hətta qanuni görünsələr belə, diqqətli olun.

Firuzə Əliyeva

iOS istifadəçiləri fişinq hücuma daha çox məruz qalırlar - ARAŞDIRMA