Rubl bayram günü kəskin ucuzlaşıb – Son məzənnə

2024-cü ilin son günündə beynəlxalq birjalarda dollar rubl qarşısında tarixinin ən yüksək həddinə çatıb.

Sfera.az xəbər verir ki, dekabrın 31-də bir dollar 114 rubla qədər yüksəlib.

Dünən sonradan məzənnə 105 həddinə qədər geriləsə də bu gün dolların 110 həddini keçdiyi görünür.

Ümumilikdə, dolların rubla nəzərən bahalaşması noyabr və dekabr aylarında güclənib.

Əvvəlki aylarda bir dollar 90-95 rubla dəyişdirildiyi halda son iki ayın bəzi günlərində məzənnə 110 həddini ötüb. Rusiya Mərkəzi Bankının məlumatına görə, buna səbəb sanksiyaların beynəlxalq tədarüklər üzrə hesablaşmalara təsir etməsi və bunun nəticəsində valyuta gəlirlərinin Rusiya bazarına daxil olmasına maneələr yaratmasıdır.

Tənzimləyicinin fikrincə, bu, valyuta məzənnəsinin dəyişməsinə səbəb olub.

Qeyd edək ki, ötən həftə Rusiya Mərkəzi Bankı rublun rəsmi məzənnəsinin hesablanması metodologiyasını dəyişdirmək qərarına gəlib. Lakin bu da məzənnədəki yüksəlişi dayandıra bilmir.

Vasif