Estoniyanın keçmiş Prezidenti vəfat etdi
Dekabrın 31-də axşam Estoniyanın keçmiş prezidenti Arnold Rüütel Estoniyada 96 yaşında vəfat edib.
Sfera.az bildirir ki, bu barədə “İnterfaks” ölkə prezidentinin mətbuat xidmətinə istinadən yazıb.
Estoniya SSR Ali Sovetinin rəyasət heyətinin, daha sonra isə müstəqil Estoniyanın Ali Sovetinin sədri vəzifəsini tutan Arnold Rüütel respublikanın müstəqilliyinin bərpası prosesində mühüm rol oynayıb. Dövlət başçısının aparatının rəsmi bəyanatında vurğulanıb ki, məhz onun işğal olunmuş Estoniyada fəal iştirakı ilə keçid dövrü başlayıb, bu dövrdə SSRİ-nin dövlət hakimiyyəti qanunsuz kimi tanınıb və ölkənin müstəqilliyi bərpa edilib.
Prezident kimi Rüütel Estoniyanın tarazlı inkişafı və sosial uzlaşma prosesinin başlanması üçün səy göstərib ki, bu da press-relizdə qeyd olunub.
2001-ci ildə Estoniya prezidenti seçilib və onun səlahiyyət müddəti 2006-cı il oktyabrın 9-dək davam edib. Rüütel həmçinin Estoniyanın Avropa İttifaqı və NATO-ya qoşulması ideyasını fəal şəkildə dəstəkləyib.
Prezident Alar Karis, Sirje Karis və bütün prezident administrasiyası ilə birlikdə Arnold Rüütelin vəfatı ilə əlaqədar ailəsinə və yaxınlarına dərin hüznlə başsağlığı verib.
İnci
