2024-cü ildə milyarderlərin sayı və sərvəti rekord həddə çatıb – Rəqəmlər

2024-cü ildə milyarderlərin sayı və sərvəti ilə bağlı rekord göstəricilər qeydə alınıb.

Sfera.az “Forbes”in məlumatlarına istinadən xəbər verir ki, bu il milyarderlərin sayı 2781 nəfərə, onların sərvətlərinin dəyəri isə 14,2 trilyon dollara çatıb.

İndiyə qədər milyarderlərin sayı və sərvəti ilə bağlı rekord göstərici 2021-ci ildə qeydə alınmışdı.

Həmin ildə onların sayı 2755 nəfər, sərvətlərinin dəyəri 13,1 trilyon dollar idi. 2024-cü ildə ən varlı 20 milyarder sərvətlərini 700 milyard dollar artıra biliblər.

Ən çox milyarder ABŞ-dədir. Bu ölkədə 813 milyarder var. Amerikalı milyarderlərin sərvətlərinin dəyəri 5,7 trilyon dollardır. Çin siyahıda ikincidir.

Çində 473 milyarder var və onlar 1,7 trilyon dollara sahibdirlər. İlk üçlüyü 200 milyarderi olan Hindistan tamamlayır.

Hindli milyarderlərin ümumi sərvəti 800 milyard dollardan çoxdur. Dünyanın ən varlı adamı İlon Maskdır. Maskın 429 milyard dollar dəyərində varidatı var.

İkinci yerdə olan Cef Bezos 235 milyard dollar, üçüncü sırada olan Larri Ellison 211 milyard dollar, dördüncü yerdə qərarlaşan Mark Zukerberq 204 milyard dollar, beşinci olan Bernard Arnault isə 168 milyard dollar sərvətə sahibdir.

Vasif