Lukaşenkonu təhqir edən komediya ustası 6 il azadlıqdan MƏHRUM EDİLDİ

Belarus Prezidenti Aleksandr Lukaşenkonu təhqir edən şəxsin cəzası bəlli olub.

Sfera.az bildirir ki, bu barədə “BelTA” agentliyi məlumat yayıb. Bildirilib ki, Minsk Şəhər Məhkəməsi komediya ustası Vyaçeslav Komissarenkonu cinayət məcəlləsinin bir sıra maddələri ilə təqsirli bilib, qiyabi olaraq altı il müddətinə azadlıqdan məhrum edib.

Məlumata görə, o, həmçinin irqi, milli, dini və ya digər sosial nifrət və ya nifaq salmaqda təqsirli bilinib. Məhkəmənin qərarına əsasən, təqsirləndirilən şəxs cəzasını ümumi rejimli koloniyada çəkməlidir. Sözügedən şəxs hökmə görə qanunla müəyyən edilmiş qaydada şikayət və protest verilə bilər.

Qeyd edək ki, 2024-cü ilin avqustunda Belarus İstintaq Komitəsi xaricdə olan Komissarenkoya qarşı iş üzrə xüsusi icraata başlandığını elan etmişdi.

Günay