Cənubi Koreyada 179 nəfərin öldüyü təyyarə 48 saata 13 uçuş həyata keçiribmiş...
Cənubi Koreyada 179 nəfərin ölümünə səbəb olan “Jeju Air” aviaşirkətinə məxsus sərnişin təyyarəsi son 48 saat ərzində 6 ölkəyə gedib və ümumilikdə 13 uçuş həyata keçirib.
Sfera.az bildirir ki, “Yonhap” xəbər agentliyində yer alan xəbərə görə, təyyarədəki 175 sərnişin, bir turizm agentliyinin satdığı Yeni il gecəsi uçuş paketinin müştərisi olub.
Məlumata görə, Cənubi Koreyada yerləşən “Y” tur operatoru tərəfindən icarəyə götürülən və çarter reysləri həyata keçirən təyyarə, Milad bayramı üçün Taylandda səyahət edən qrupun geri qayıdış reysi idi.
Qəzadan öncə təyyarə Muan, Jeju və İncheon Beynəlxalq Hava Limanlarına 3 daxili səfər edib və Çindən Taylanda, Malayziyadan Yaponiyaya və oradan da Tayvana uçaraq 5 hava limanı arasında uçub. Bildirilib ki, orta aylıq iş vaxtı ilə Cənubi Koreyada yerli aviaşirkətlər arasında ən çox uçuşu “Jeju Air” həyata keçirir.
Sözügedən şirkət qəzanın texniki səhlənkarlıqdan qaynaqlanmadığını iddia edib. “Biz təyyarəmizə tam, vaxtında və planlaşdırılmış qrafikə uyğun texniki qulluq göstəririk. Heç nəyi, o cümlədən planlı texniki qulluq və uçuşdan əvvəl və sonra müntəzəm olaraq həyata keçirilən bütün texniki qulluqları laqeyd qoymuruq”, - şirkətdən bildirilib.
Günay
