"Ukraynaya məxsus 31 “Abrams” tankından 20-si məhv edilib" - "MVM"
ABŞ-də Ukrayna savaşında istifadə olunan silahlarla bağlı narahatlıq yaranıb.
Sfera.az bildirir ki, buna səbəb Rusiya hərbçilərinin Ukraynada bir neçə “Abrams” tankını ələ keçirməsi olub.
Bu barədə “Military Watch Magazine” yazıb. Qeyd olunub ki, Ukraynaya məxsus 31 “Abrams” tankından 20-si məhv edilib.
“Bu tanklardan bəzilərinin çox cüzi ziyanla ələ keçirilməsi təsdiqlənib. Beləliklə, yaxşı vəziyyətdə qalan tanklar Rusiya hərbçiləri üçün qiymətlidir”, - jurnalda dərc olunan materialda vurğulanıb.
Məqalə müəllifləri bildiriblər ki, “Abrams” tankları həm ABŞ ordusunda, həm də onun müttəfiqləri arasında geniş yayılıb və bu o deməkdir ki, Amerika zirehli texnikasının ələ keçirilməsi əlamətdar hadisədir.
Onlar həmçinin qeyd ediblər ki, tutulan nümunələrin təhlili nəticəsində əldə edilən məlumat Rusiyanın müttəfiqləri üçün maraqlı ola bilər.
Günay
