Tramp seçki vaxtı verdiyi vədi HEÇƏ SAYDI: “Bunu dəstəkləyəcəyəm!”

 Donald Tramp H1-B vizaları ilə ABŞ-də əcnəbilərin işə qəbulunu dəstəkləyəcəyini açıqlayıb.

Sfera.az bildirir ki, bundan sonra mühacirlərə iş vizalarının verilməsi məsələsində Respublikaçılar partiyasında fikir ayrılığı yaranıb.

“Mənim mülkümdə çoxlu H-1B vizası var, buna inanıram, dəfələrlə sınamışam. Bu, əla proqramdır”, - Tramp deyib.

İlk prezidentlik dövründə xarici işçi vizalarını məhdudlaşdıran və proqramı tənqid edən Tramp son açıqlaması ilə Respublikaçılar partiyasını ikiyə bölən bu məsələ ilə bağlı mövqeyini açıq şəkildə ifadə edib.

O daha əvvəl ABŞ-də ali təhsil alan tələbələrə “Yaşıl Kart” vəd edib.

Xatırladaq ki, seçki çıxışlarında Donald Tramp tez-tez ABŞ-dəki qeyri-qanuni mühacirləri deportasiya edəcəyini, Amerika vətəndaşlarına daha çox iş yerləri təmin etmək üçün tarifləri artıracağını və immiqrasiyanı ciddi şəkildə məhdudlaşdıracağını bildirirdi.

Qeyd edək ki, “H-1B”, Amerika Birləşmiş Ştatlarında vətəndaş olmayan ixtisaslı xarici işçilərə adətən üç il müddətinə verilən iş vizası növüdür.

Türkan