Maraqlı Yeni il adət-ənənələri - Bunu edənlər şanslı olurlar

Hər bir ölkənin özünəməxsus Yeni il adət-ənənələri var.

Sfera.az müxtəlif ölkələrə aid Yeni il ənənələrini təqdim edir:

Azərbaycan

Nar, xüsusilə Yeni il süfrəsinin ayrılmaz hissəsidir. Narın bərəkət və uğur gətirəcəyinə inanılır. Uşaqlar Yeni il səhərində yaxşı əhval-ruhiyyə üçün narı kəsərək, onu evin hər tərəfinə dağıdırlar.

Yaponiya

İnsanlar evlərinin qapısına ip asaraq pis ruhları uzaqlaşdırdıqlarına inanırlar. Yeni ilin şən keçməsi üçün bayram gününün gecə yarısı qəhqəhə çəkirlər.

Almaniya

Əridilmiş qurğuşunu suya atır və yaranan formaya uyğun gələcəyə dair təxminlər edirlər.

İspaniya

Bu ölkədə insanlar Yeni il gecəsi şans gətirməsi üçün 12 ədəd üzüm yeyirlər.

Şotlandiya

Bayram axşamı qohumlarının və dostlarının evinə gedən insanlar özləri ilə bolluğu simvolizə edən pul, çörək, duz və kömür aparırılar.

Çili

Bayram gecəsi 1 qaşıq mərcimək yeyərək, Yeni ildə işin və pulun bol olacağına inanırlar.

Kolumbiya

İnsanlar Yeni il axşamı içi boş çamadanla küçələrdə gəzərək, təzə ilin səyahətlərlə keçəcəyini arzu edirlər.

Rusiya

İnsanlar arzularını yazdıqları kağızları yandırır və küllərini isə şampan qədəhlərinin içinə səpirlər.

Ülkər Abdurahmanlı

Sfera.az