2024-cü ilin ən uğurlu valyutası müəyyənləşib - İkinci yerdə lirədir...

Argentina pesosu 2024-cü ildə 44,2 faiz möhkəmlənib ki, bu da digər valyutalardan daha güclüdür.

Sfera.az xəbər verir ki, bu barədə "Financial Times" məlumat yayıb .

İkinci yerdə 21,2 faiz bahalaşan türk lirəsi qərarlaşıb.

Nəticədə argentinalıların orta əmək haqqı təxminən iki dəfə artaraq 990 dollara çatıb. Lakin bu, iqtisadiyyata baha başa gəlib. Məlum olub ki, yüksək peso məzənnəsinin saxlanması valyuta ehtiyatlarının demək olar ki, tamamilə tükənməsi ilə nəticələnib. Analitiklər xəbərdarlıq edir ki, qonşu Braziliyada realın sürətlə ucuzlaşması və ABŞ-nin yeni prezidenti Donald Trampın potensial tariflər tətbiq etməsi Argentinanı qəfil devalvasiyaya qarşı müdafiəsiz qoya bilər.

BancTrust investisiya bankının araşdırma rəhbəri Ramiro Blazquez bildirib ki, peso yüksəlməyə davam edərsə və ya böyük xarici şok olarsa, ucuz dollara tələb arta bilər və bu, devalvasiya riskini artıra bilər. Öz növbəsində, biznes rəhbərləri belə dinamikanın Argentina ixracatının rəqabət qabiliyyətini tezliklə sarsıda biləcəyindən narahatdırlar.

Argentina prezidenti Xavyer Miley daha əvvəl demişdi ki, iqtisadiyyatda çətin dövrlər xoşbəxt dövrlərlə əvəzlənir. Onun sözlərinə görə, “gələcək daha yaxşı olacaq”.

İnci