Azərbaycan ən çox bu iki ölkədən məhsul alır - ADLAR
Azərbaycan xaricdən ən çox məhsulu iki ölkədən - Çin və Rusiyadan alır.
Sfera.az xəbər verir ki, 2024-cü ilin yanvar-noyabr ayları ərzində Azərbaycana iki ölkədən 6 milyard 675 milyon dollar dəyərində məhsul ixrac olunub.
İxrac olunan məhsulların 3,38 milyard dolları Çinə, 3,294 milyard dolları Rusiyaya aiddir. 2023-cü ildə də ən çox məhsul bu iki ölkədən alınmışdı.
Azərbaycan ötən ilin yanvar-noyabr ayları ərzində Çin və Rusiyadan 5 milyard 625 milyon dollar dəyərində məhsul idxal edib.
Qeyd edək ki, bir neçə il əvvələ qədər Azərbaycan ən çox məhsulu Rusiya və Türkiyədən alırdı. Tədricən Çin Türkiyəni sıxışdıraraq ikinci sıraya yüksəlib. 2024-cü ildən isə Rusiyanı da ilk sıradan uzaqlaşdırıb.
Tendensiya göstərir ki, yaxın illərdə Azərbaycanın idxalında Çin ilk sıradakı yerini möhkəmləndirəcək.
Vasif
Sfera.az
