Xarici aviadaşıyıcılar Rusiyaya uçuşlardan imtina edir
Aktauda AZAL (Azərbaycan Hava Yolları) təyyarəsinin qəzaya uğramasından sonra daha bir aviaşirkət - Qazaxıstanın “Qazaq Air” şirkəti Rusiyaya uçuşları dayandırıb.
Sfera.az Rusiya mediasına istinadən xəbər verir ki, bu barədə şirkətin mətbuat xidməti “Telegram” kanalında məlumat yayıb.
“Qazaq Air” aviaşirkətinə məxsus təyyarə 2025-ci il dekabrın 28-dən yanvarın 27-dək Astana-Ekaterinburq marşrutu üzrə uçuşları dayandıracaq. Qeyd olunur ki, tədbir Qazaxıstanda baş vermiş təyyarə qəzası fonunda “sərnişinlərin və ekipaj üzvlərinin təhlükəsizliyini təmin etmək üçün” görülüb.
“Aviaşirkət Omsk və Novosibirskə uçuşlarını davam etdirəcək”, - nəşr bildirib: “Yekaterinburqa uçuşların bərpası risklərin yenidən qiymətləndirilməsinin nəticələrinə əsasən həyata keçiriləcək”.
Bundan əvvəl İsrailin "El Al" aviaşirkəti Tel-Əvivdən Moskvaya uçuşları bir həftəlik dayandıracağını açıqlamışdı.
Qazaxıstanın Aktau şəhərində 38 nəfərin ölümü ilə nəticələnən AZAL təyyarəsinin qəzaya uğramasından sonra xarici aviadaşıyıcılar Rusiyaya uçuşlardan imtina edir.
Vasif
Sfera.az
