ABŞ-ın bu şəhərində bir qanun sayəsində cinayət nisbəti demək olar ki, tamamilə sıfıra enib

Amerikanın Corciya ştatında yerləşən Kennesaw şəhərinin sakinləri silahlarla bağlı özünəməxsus qanunvericiliyə malikdirlər.

Sfera.az bildirir ki, bu qanun bütün vətəndaşların odlu silaha malik olmasını nəzərdə tutur.

Bu norma deklorativ kimi görünsə də, əslində, tamamilə təsadüfən həyata keçirilib. 1970-ci illərin sonlarında İllinoys şəhərlərindən biri silah dövriyyəsini tamamilə qadağan etdikdə, bu, cinayətlərin sayının artmasına səbəb olub. Məhz bundan sonra Kennesaw əks qaydalar tətbiq etmək qərarına gəlib.

1982-ci ildə yerli hakimiyyət orqanları tərəfindən qəbul edilən qanun bütün vətəndaşları silah sahibi olmağa məcbur etdi. 2023-cü ildə şəhərdə bir dənə də olsun qətl və ya ağır cinayət hadisəsi baş verməyib.

1982-ci ildə qəbul edilmiş yerli silah qanununda deyilir: “Şəhərin və onun sakinlərinin asayişini, təhlükəsizliyini və ümumi rifahını təmin etmək və qorumaq üçün şəhər hüdudlarında yaşayan hər bir ailə başçısının döyüş sursatı ilə birlikdə odlu silah da olmalıdır”.


Bu qərarın normalarına uyğun olaraq, 18 yaşına çatmış şəxsi mülkiyyətində olan bütün vətəndaşlar öz ərazilərini qorumaq üçün odlu silah almalıdırlar. Bununla belə, gələcək silah sahibi bir neçə meyara cavab verməlidir : əvvəllər məhkum olmamalı və silahı müvafiq yerdə saxlamalıdır.
 

Qeyd edək ki, bu qanunla bağlı sakinlər arasında hələ də fikir ayrılıqları var. Bütün yerli sakinlər buna əməl etməyə çalışsalar da, bəziləri bu qərarın düzgün olduğunu, bəziləri isə belə bir qanunvericilik normasının keçmişin qalığı olduğunu, buna görə də ləğv edilməlisinin tərəfdarıdır.


Bununla belə, Kennesaw meri Derek Easterling hesab edir ki, qanun sadəcə “simvolik akt” deyil, çox konkret faydaya malikdir.
 

Siyasətçi qeyd edir ki, şəhərdəki silah qanununun müsbət nəticələri var:
 

Jurnalistlər qeyd edirlər ki, yerli polis 2023-cü ildə bir nəfər də olsun qətl hadisəsi qeydə almayıb, kiçik və orta dərəcəli cinayətlərin sayı bütün Corciya ştatı üzrə ümumi saydan çox deyil. Eyni zamanda, ötən il silahdan istifadə ilə bağlı yalnız iki hadisə olub, bu zaman da yerli sakinlər sadəcə intihar edib.

Aysel