Rusiya BMT İqlim Konvensiyasına 1 milyon avro ianə edəcək
Rusiya Birləşmiş Millətlər Təşkilatının İqlim Dəyişikliyi üzrə Çərçivə Konvensiyasına (UNFCCC) könüllü 1 milyon avro töhfə verəcək.
Sfera.az bildirir ki, sənədə görə, ödənişin məqsədi konvensiyanın katibliyində rusiyalı əməkdaşların təmsil olunmasını təmin etməkdir.
Bu, öz növbəsində, Rusiyanın iqlim dəyişikliyi sahəsində maraqlarını təşviq etməyə kömək edəcək.
Qeyd edək ki, Birləşmiş Millətlər Təşkilatının İqlim Dəyişikliyi üzrə Çərçivə Konvensiyası (UNFCCC) 21 mart 1994-cü ildə qüvvəyə minib. Konvensiyanın son məqsədi istixana qazları emissiyalarını iqlim sisteminə təhlükəli antropogen müdaxilənin qarşısını alacaq səviyyədə sabitləşdirməkdir. Bununla belə, konvensiya belə bir səyin yalnız əsas prinsiplərini əks etdirir. İndiyədək 197 ölkə və ərazi Konvensiyanı ratifikasiya edib.
Firuzə Əliyeva
