Kolumbiyanın ən məşhur narkobaronlarından biri və Medellin kartelinin əsas funksioneri olan narkobaron Fabio Oçoa ABŞ-da 30 illik həbs cəzasının 25 ilini çəkdikdən sonra Cənubi Amerika ölkəsinə geri deportasiya edilib.

Sfera.az bildirir ki, Oçoa bazar ertəsi deportasiya reysi ilə Boqotanın “El Dorado” hava limanına gəlib. Təyyarədən enən keçmiş kartel rəisini gülləkeçirməz jilet geyinmiş immiqrasiya rəsmiləri qarşılayıb. Onu saxlamaq üçün hadisə yerində polis olmayıb.

Narcos serialındakı Oçoa ailəsi

67 yaşlı Oçoa və onun böyük qardaşları 1970-ci illərin sonu və 1980-ci illərin əvvəllərində kokain ABŞ bazarını doldurmağa başlayanda sərvət qazanıblar. 1987-ci ildə onlar Forbes jurnalının milyarderlər siyahısına daxil ediliblər.

Mayamidə yaşayan Oçoa bir vaxtlar Pablo Eskobarın rəhbərlik etdiyi kokain kartelinin paylama mərkəzini idarə edib. Xatırladaq ki, Eskobar 1993-cü ildə Medellində hakimiyyət orqanları ilə atışmada həlak olub.

Oçoa ilk dəfə ABŞ-da 1986-cı ildə Medellin karteli üçün kokain daşıyan, lakin Narkotiklərlə Mübarizə İdarəsində məlumat verən amerikalı pilot Barri Sealın qətlində əli olmaqda ittiham edilib.

1990-cı illərin əvvəllərində Oçoa, iki böyük qardaşı Xuan David və Xorxe Luis ilə birlikdə ABŞ-a ekstradisiyadan yayınıblar. Bundan sonra müqavilənin bir hissəsi olaraq onlar Kolumbiya hakimiyyətinə təslim ediliblər.

Üç qardaş 1996-cı ildə həbsxanadan azad edilsı də, Oçoa üç il sonra narkotik qaçaqmalçılığına görə yenidən həbs edilib. 2001-ci ildə Mayami iddianaməsinə cavab olaraq ABŞ-a ekstradisiya edilib. Onunla bərabər, 40 nəfər də həbs edilib.

Bu qrupda o, məhkəməyə getməyə qərar verən yeganə şübhəli olub ki, bu da onun mühakimə olunmasına və 30 il həbs olunmasına səbəb oldu. Qalan müttəhimlər daha yüngül cəza alıblar, çünki onların əksəriyyəti hökumətlə əməkdaşlıq ediblər.

Meksikalı narkotik tacirləri qlobal narkotik ticarətində mərkəzi yeri tutduqca Oçoanın adı tədricən yaddaşlardan silinməyə başlayıb.

Bununla belə, Medellin Kartelinin keçmiş üzvü haqqında bu yaxınlarda “Netflix”də “Griselda” serialı çəkilib. Burada Mayami kokain bazarına nəzarət etmək üçün əvvəlcə narkotik taciri Griselda Blanko ilə döyüşür və sonra onunla ittifaq yaradır. Blanko rolunu Sofiya Verqara ifa edir.

Oçoanı mühakimə edən prokurorluq qrupunun bir üzvü ABŞ vəkilinin köməkçisi Riçard Qreqori qeyd edir ki, səlahiyyətlilər heç vaxt Oçoa ailəsinin narkotikdən əldə etdiyi bütün gəlirləri müsadirə edə bilməyiblər.

Qreqori jurnalistlərə Oçoa haqqında:

“O, heç vaxt kasıb təqaüdə çıxmayacaq, bu, dəqiqdir" - deyə bildirib.

Aysel

“Forbes cinayətkarı”: Dünyanın ən məşhur narkobaronlarından biri azadlığa buraxıldı