Dağın başında meymunla dava edən kişi sosial şəbəkələrdə gündəm oldu - VİDEO
Çindəki Zhangjiajie Milli Meşə Parkı təkcə heyrətamiz dağları ilə deyil, həm də oğru meymunları ilə məşhurdur. Lakin turistlərdən biri tüklü quldurla mübarizə aparmaq qərarına gəlib.
Sfera.az bildirir ki, Zhangjiajie Parkının meymunları oğurluğa olan həvəsləri ilə tanınırlar. Bu dəfə turistlərdən biri əşyalarını oğurlamağa çalışan şimpanzeni yumruqlayaraq cavab verib. Camaat heç bir müdaxilə etməyə cəhd etmədən tamaşanı izləyib.
Qeyd edək ki, burada kiçik yerli meymunlar turistlərdən qəfil çanta, yemək və telefon oğurlamaqda əsl peşəkar sayılırlar. Lakin bu dəfə kişi dağın zirvəsində heyvanla əsl döyüşə başlayaraq əşyalarını müdafiə etmək qərarına gəlib.
Kadrlarda turistin meymuna necə yumruq atdığını və döyüşdə qalib gəldiyini görmək olar.
Şimpanze bir qrup turist dağ boyunca hərəkət edərkən bir kişinin çantasını oğurlamağa cəhd edib. Döyüşdən sonra tüklü oğru təslim olub dağdan aşağı geri çəkilib.
Zhangjiajie şəhərində baş verən hadisə bütün sosial şəbəkələrdə müzakirələrə səbəb olub. Bəzi istifadəçilər yerli quldur meymunların davranışlarını qeyd edərək turisti dəstəkləyiblər. Lakin digər şərhçilər həmin adamı heyvana qarşı amansızlıqda qınayıblar.
Media qeyd edib ki, bu, insanlarla meymunlar arasında ilk münaqişə deyil. Xüsusilə də Qvineyada dəhşətli hücum baş verib. Senya Zoqba adlı uşağın anası tarlada işləyərkən şimpanze körpəni onun əlindən qopararaq meşəyə aparıb və orada vəhşicəsinə öldürüb.
Aynil
