BMT-nin Suriyada aclıqdan əziyyət çəkən insanlara dəstəyi 6 dəfə azalıb

BMT Suriyada aclıqdan əziyyət çəkənlərə ərzaq yardımını 6 dəfə azaldıb. 

Sfera.az xəbər verir ki, bu barədə “Reuters” beynəlxalq təşkilatın məlumatlarına istinadən yazıb.

Qida yardımı üzrə ixtisaslaşmış dünyanın ən böyük humanitar təşkilatı olan Ümumdünya Ərzaq Proqramı (WFP) altı milyon suriyalını qidalandırırdı. Bu ilin əvvəlində onun resursları təxminən bir milyon insana yardım göstərmək üçün kifayət edirdi.

Agentlik xəbər verir ki, zəngin ölkələrin beynəlxalq təşkilatlara ayırdığı maliyyənin azalması fonunda dünyada ac insanların sayı artır.

Beləliklə, BMT-nin hesablamalarına görə, 2025-ci ildə dünyada ən azı 117 milyon insan dolanışıqsız qalacaq.

BMT bunun üçün bir neçə səbəb göstərir. Birincisi, Almaniya BMT-nin əsas humanitar donoru kimi yardım maliyyəsini kəsir. İkincisi isə dünyanın ən yaxşı beş iqtisadiyyatından ikisi olan Çin və Hindistan acları dəstəkləmək üçün ümumi investisiyalarının 1%-dən az hissəsini verir.

İnci