Mağazadan pivə borc götürdü: 7 il həbs cəzasına məhkum edildi
Çerkassı vilayətində yerli mağazadan iki şüşə pivə oğurlayan şəxs mühakimə olunub. Ona 7 il dəmir barmaqlıqlar arxasında həbs cəzası verilib.
Sfera.az bildirir ki, iş materiallarına görə, təqsirləndirilən şəxs ticarət obyektinə gələrək soyuducudan hər biri 0,5 litr olan 2 butulka “Lvovskoe 1715” pivəsi götürüb. Satıcıdan onu borc kimi yazmağı xahiş etsə də, o, bunu rədd edib.
Alıcı belə bir cavab gözləməyib, onun sözlərinə görə, əvvəlki sahibi nisyə almağa icazə verib. Kişi bildirib ki, otaqda olarkən satıcı qadın harasa qaçıb və o, pivəsini götürüb, onu gözləmədən çıxıb gedib.
Öz növbəsində mağaza işçisi təqsirləndirilən şəxsin özünü aqressiv apardığını və onu itələdiyini, bu səbəbdən də iş yerini tərk etmək məcburiyyətində qaldığını bildirib.
Mağazaya dəyən maddi ziyanın ümumi məbləği 41 qrivna 50 qəpikdir (təqribi 2 Azn).
Artıq dəfələrlə oğurluqda təqsirli bilinən təqsirləndirilən şəxs məhkəmə zalında günahını qismən etiraf edib.
Tərəfi dinlədikdən sonra məhkəmə hökm çıxarıb. Ona qarşı 186-cı (külli miqdarda və ya hərbi vəziyyətlə törədilmiş quldurluq) maddəsi ilə 7 il müddətinə dəmir barmaqlıqlar arxasında həbs cəzası kəsilib.
Cəzaya Jitomir vilayətinin Berdiçevski Şəhər Rayon Məhkəməsinin qərarı da əlavə edilib. Bu qərara əsasən, təqsirləndirilən şəxs dələduzluqda ittiham olunaraq 3 il müddətinə azadlıqdan məhrum edilib. Son cəza yeddi il bir ay həbsdir.
Aynil
