“Ukraynada münaqişə 2025-ci ildə başa çatacaq” - Orban

"Ukraynada münaqişə 2025-ci ildə başa çatacaq. Bunu Macarıstanın baş naziri Viktor Orban “Magyar Nemzet”ə müsahibəsində bildirib".

Sfera.az xəbər verir ki, Orbanın sözlərinə görə, vəziyyət ya dinc danışıqlar yolu ilə həll olunacaq, ya da tərəflərdən biri məhv ediləcək. Baş nazir başa çatan ilin Macarıstanın xarici siyasəti üçün son dərəcə uğurlu olduğunu da qeyd edib:

“ABŞ-nin yeni prezidenti Macarıstanı bəyənir. Çin Xalq Respublikasının sədri Avropa İttifaqının iki ölkəsinə - Fransa və Macarıstana səfər edib. Dostumuz Türkiyə prezidenti, vicdanlı tərəfdaşımız Rusiya prezidenti, yaxşı dostumuz İsrailin baş naziridir. Macarıstan diplomatiya tarixində oxşar presedentin olması ehtimalı azdır”.

Dekabrın 22-də Orban qeyd edib ki, münaqişənin sona çatması barədə danışmaq hələ tezdir. Lakin o əmindir ki, yanvarın 20-də ABŞ-nin yeni seçilmiş prezidenti Donald Trampın öz vəzifəsinin icrasına başlaması yeni dünya nizami yaradacaq. Orban qarşıya real hədəflərin qoyulmasının lazım olduğunu bildirib və Milad dövründə müvəqqəti atəşkəs təklif edib.

Onun sözlərinə görə, o, Putini buna inandıra bilib, lakin Ukrayna tərəfi “müəmmalı səbəbdən” hələ bu ideyaya hazır deyil.

Vasif