Donmuş gölün ortasında hələ də sirri açılmayan qala tapıldı - FOTO

Polşada donmuş gölün üzərində sirli Stobnica qalası ucalır. Onun tikintisi və sahiblik tarixi sirrlərlə doludur. Süni adada yerləşən əzəmətli bina ilk olaraq havadan lentə alındıqdan sonra ictimaiyyətin diqqətini çəkib.

Sfera.az bildirir ki, Sirli Stobnica qalasının tikintisi 2015-ci ildə başlayıb və doqquz il sonra tamamlanmasına baxmayaraq, qalanın dəqiq hansı məqsədlə tikildiyi məlum deyil. 

Qala ictimaiyyət üçün bağlıdır, lakin turistlər onun ətrafını kəşf edə, binanın ətrafında barjla gəzə və suvenir mağazasına baxa bilərlər.

Stobnica hündür qüllələri, daş divarları və təsir edici ölçüləri ilə seçilir: hündürlüyü təxminən 70 metr, uzunluğu isə demək olar ki, 200 metrdir.

Poznandan təxminən bir saatlıq məsafədə, Notecki meşəsinin kənarında qorunan təbii ərazidə yerləşən qala bir çox mübahisələrə səbəb olub. 2018-ci ildə layihə ekoloqların və səlahiyyətlilərin diqqət mərkəzinə düşüb, tikintini dayandırmaq üçün çoxsaylı cəhdlər uğursuz olub.

Bu layihənin arxasında kimin dayandığına dair bir çox fərziyyələr var. Bəziləri qalanın 2015-ci ildə vəfat etmiş polşalı milyarder Yan Kulçikin təşəbbüsü ilə tikildiyini ş iddia edir, digərləri isə obyekti Polşanın “DJT” şirkəti ilə əlaqələndirirlər. Bununla belə, 2020-ci ildə investor olduğu güman edilən 7 nəfər ekoloji ittihamlarla saxlanılıb və yerli qubernator vəzifəsindən kənarlaşdırılıb.

Qala ictimaiyyət üçün qapalı olaraq qalır, lakin onun ərazisi qismən turistlər üçün əlçatandır. Qonaqlar ərazini gəzə, qalanın ətrafında barjla gəzə və ya ağac və daş kimi təbii materiallardan hazırlanmış əşyalar satan hədiyyə mağazasına baş çəkə bilərlər.

Burada həmçinin isti içkilər, xəmir xörəkləri, çay ilə alma piroqu və ya qaymaqlı çuğundur şorbası kimi menyu təqdim edən kafe var. Giriş biletinin qiyməti təxminən 49 zloti (20 Azn) təşkil edir.

Əsas sirr - qalanın tikilməsinin məqsədi hələ də açılmayıb. Bəziləri bunun sahibinin iqamətgahı olması üçün nəzərdə tutulduğuna inanır, bəziləri isə onun lüks otelə çevriləcəyindən narahatdır.

Aynil