Rusiyaya qarşı növbəti SANKSİYA PAKETİ - Bu tarixdə qəbul ediləcək
Avropa İttifaqının (Aİ) Rusiyaya qarşı növbəti sanksiya paketi hazırdır.
Sfera.az xəbər verir ki, həmin sanksiya paketi 2025-ci il fevralın 24-dək qəbul ediləcək. Bununla da Aİ-nin Rusiyaya qarşı tətbiq edəcəyi sanksiya paketlərinin sayı 16-ya çatacaq.
Yeni sanksiyalar Rusiya iqtisadiyyatının əvvəllər sanksiyalara məruz qalmayan və ya kifayət qədər əhatə olunmayan sektorlarına yönəldiləcək. Avropa Komissiyası və Avropa Xarici Fəaliyyət Xidməti də Rusiyaya casusluqda şübhəli bilinən şəxslərə səyahət qadağası və aktivlərinin dondurulmasını planlaşdırır.
Yeni sanksiya paketində, həmçinin Rusiya qazı və LNG (maye qaz) idxalına qadağa qoyulmasını əks etdirən detallar olacaq. Əgər bu mümkün olmasa, Rusiya qazının istehlakının tədricən azaldılması variantları nəzərdən keçiriləcək.
Sənəddə limanlara giriş və digər dəniz xidmətlərindən istifadəyə məhdudiyyətlər də daxil olmaqla, Rusiyanın LNG nəqliyyat donanmasına ünvanlı sanksiyalar tətbiq edilməsi tövsiyə olunur.
Xatırladaq ki, Aİ 15-ci sanksiya paketini dekabrın ortalarında qəbul edib.
Vasif
Sfera.az
