Milad bazarında avtomobili izdihamın üzərinə sürdü: Çoxlu yaralı var
Almaniyanın Maqdeburq şəhərinin mərkəzində BMW markalı avtomobilin sürücüsü tam sürətlə insanları vurub.
Sfera.az xəbər verir ki, terror aktı nəticəsində azı 1 nəfər ölüb, bir neçə nəfər yaralanıb.
Əvvəlcə alman jurnalistlər 11 ölü və 60 yaralı olduğunu bildirsələr də, online portallar sonradan bu xəbəri silibkər. Saksoniya-Anhalt əyalət hökumətinin sözçüsü bunun qəsdən təşkil edilmiş cinayət olduğunu bildirib.
Qeyd edək ki, Maqdeburq Milad Bazarı şəhərin mərkəzindəki Köhnə Bazarda, yerli bələdiyyə binasının yanında yerləşir.
Daha sonra Maqdeburq xilasetmə xidməti Milad bazarında törədilən terror aktı nəticəsində 60-80 nəfərin yaralandığını bildirib. Hadisənin şahidi olan qadın terrorçunun “Milad bazarının ən möhtəşəm ərazisinə” getdiyini, burada xüsusilə uşaqlı ailələrin çox olduğunu bildirib. O, uşaqla kənara atlamağı bacarıb.
“Volksstimme”nin məlumatına görə, Maqdeburqun mərkəzində vəziyyət son dərəcə kritikdir, onlarla ölənin olduğu ehtimal edilir.
Aysel
