Türkiyənin Antalya şəhərindən Böyük Britaniyanın Lids şəhərinə uçan Jet2 təyyarəsində fövqəladə hadisə baş verib. Uçuş zamanı iki sərxoş şəxs oturacaqlarından atılaraq dava salıb.

Sfera.az bildirir ki, təyyarə havada olarkən salonda olan şəxslər arasında mübahisə yaranıb və bu mübahisə davaya çevrilib. Bir neçə yumruq və dirsək mübadiləsindən sonra kişilərdən biri başqa taktikaya keçib. O, rəqibinin boynunu dişləməyə çalışıb.

Qarşı tərəf də geri qalmayıb və barmaqları ilə daim onun gözünə girməyə çalışdığı üçün rəqibini gözsüz qoymaq qərarına gəlib. Döyüş zamanı rəqiblərdən biri qırılan dişini kabinəyə tüpürüb.

Təyyarədə olan sərnişinlər bu prosesi foto və videolarla lentə alıblar. Sərnişinlərdən birinin sözlərinə görə, davada iştirak edən şəxslər sərxoş olub və yaxın oturublar. Söhbətlərinin hansısa məqamında onların ifadələrində anlaşılmazlıq yaranıb, nəticədə toqquşma və əlbəyaxa dava başlayıb.

Sərnişinlərdən biri döyüşün uçuşa təxminən 45 dəqiqə qalmış başladığını və hər iki tərəfin sakitləşməsinə qədər təxminən beş dəqiqə davam etdiyini bildirib. Kişiləri təyyarənin əməkdaşları və digər sərnişinlər sakitləşdirib.

Aynil

Sərxoş sərnişinlərin təyyarədə davası gündəm oldu - FOTO