Uşaqlarına qəhrəmanların adını qoyanlara 500 min rubl VERİLƏCƏK

Çeçenistanın rəhbəri Ramzan Kadırov yeni doğulan uşaqlarına milli qəhrəmanların adını qoyan valideynlərə 500 min rubl veriləcəyini açıqlayıb.

Sfera.az xəbər verir ki, Kadırov bu barədə özünün Telegram kanalında yazıb .

Belə ki, söhbət ilin sonunadək doğulan uşaqlardan gedir.

“Bu gündən etibarən yeni doğulan körpələrinə çeçen qəhrəmanlarının adını qoyan valideynlərin hər birinə 500 min rubl veriləcək”, - Kadırov qeyd edib.

Bundan əlavə, Çeçenistan rəhbəri bölgə sakinlərini regional muzeylər üçün tarixi əşyaların toplanmasına kömək etməyə çağırıb:

“Bu, nəinki tariximizi qoruyub saxlayacaq, həm də onu gələcək nəsillər üçün əlçatan edəcək”.

Firuzə Əliyeva