ABŞ rəsmisindən rusiyalı generalın ölümünə REAKSİYA
"ABŞ-nin Rusiya Silahlı Qüvvələrinin radiasiya, kimyəvi və bioloji müdafiə qüvvələrinin rəisi İqor Kirillovun öldürülməsi hadisəsindən xəbəri yoxdur və iştirak etməyib".
Sfera.az xəbər verir ki, bu sözləri ABŞ Dövlət Departamentinin sözçüsü Metyu Miller deyib.
“Mənim bu partlayışla bağlı heç bir fərziyyəm yoxdur. Sizə deyə bilərəm ki, Birləşmiş Ştatlar hadisələrdən xəbərsiz idi və iştirak etməmişdir. Heç bir təxminim yoxdur. Görünür, o, bir sıra vəhşiliklərdə iştirak edən general olub. O, Ukrayna hərbçilərinə qarşı kimyəvi silahdan istifadədə iştirak edib”, - Miller bildirib.
Qeyd edək ki, dekabrın 17-də səhər saatlarında Moskvanın Ryazanski prospektində evlərdən birinin yaxınlığında partlayış baş verib. Rusiya Silahlı Qüvvələrinin Radiasiya, Kimyəvi və Bioloji Müdafiə Qoşunlarının rəisi, general-leytenant İqor Kirillov və onun köməkçisinin partlayış nəticəsində öldüyü məlum olub. Partlayıcı qurğu skuterə yerləşdirilib; onun gücü təxminən 100 q trotil ekvivalenti olub. İstintaqla tanış olan iki RBC mənbəsi bildirib ki, partlayışın əsas versiyası Ukrayna Silahlı Qüvvələrinin (AFU) təxribatıdır. Təhlükəsizlik qüvvələri bu versiyanı nəzərdən keçirir. “Ukrayinska Pravda”nın xüsusi xidmət orqanlarındakı mənbəyə istinadən verdiyi məlumata görə, general Kirillov və onun köməkçisinin ölümünün arxasında Ukrayna Təhlükəsizlik Xidməti dayanıb.
Firuzə Əliyeva
