“İlin cinayəti": Polis mopeddən balıq oğurlayan pişiyi həbs etdi

Taylandda "ilin cinayəti" baş verib. Pişik park edilmiş mapeddə çantadan balıq oğurlayıb, polis tez bir zamanda "şübhəli" ni tapıb.
 

Sfera.az bildirir ki, "İlin cinayətkarı" nın həbsinin videosu İnternetdə son dərəcə viral olub, 1 milyondan çox baxış və 240 mindən çox bəyənmə toplayıb.


Bu inanılmaz dərəcədə maraqlı epizod bu ilin oktyabrında baş verib. Bir kişi balığı öz ehtiyacları üçün alıb və mapedin sükanına bağlayaraq çantaya qoyub.
 

Nəqliyyat vasitəsinin sahibi oradan uzaqlaşanda müşahidə kamerası pişiyin balığı çantadan çıxararaq hadisə yerindən necə qaçdığını qeydə alıb. Lakin sonradan polis “cinayətkarı” yaxalayıb. Videoda pişiyi artıq hüquq-mühafizə orqanının əməkdaşı apardığı və bir az çaşqın göründüyü nəzərə çarpır.


Sosial şəbəkələrdə istifadəçilər pişiyin şirinliyinə çox gülümsəyiblər. Bəziləri heç bir "fiziki sübut" olmadığını yazıb. Digər istifadəçilər pişiyin “cinayətinə” baxmayaraq, polisin onu olduqca ehtiyatla aparmasına təəccübləniblər. Şərhçilər qırmızı saçlı “cinayətkar”ın hərəkətlərinə gülərək, həbs zamanı dördayaqlı heyvanın “maddi sübut” olmadan aparıldığını bildiriblər. Digərləri iddia edirlər ki, pişiyin üzü onun "cinayətin bütün ağırlığını" başa düşdüyünü göstərir. Şərhçilərdən biri qeyd edib ki, pişiyin xarici görünüşü özü danışır və o, "törədilən cinayətin ağırlığını" başa düşür.
 

“Görünür, o, bir şey etdiyini başa düşür və bundan utanır”-deyə şərh yazanlardan biri ironik şəkildə bildirib.

Aynil