"Rusiya Şimali Koreya əsgərlərinin üzlərini yandırır" - Zelenskidən İDDİA

"Rusiya Şimali Koreya əsgərlərinin üzlərini yandırır".

Sfera.az bildirir ki, bu iddia ilə Ukrayna Prezidenti Volodimir Zelenski çıxış edib. O, bu addımın gizlətmək məqsədilə edildiyini bildirib.

Zelenski həmçinin Şimali Koreya əsgərlərinin cəbhədəki videosunu paylaşaraq bunları qeyd edib: “Rusiya təkcə Şimali Koreya qoşunlarını Ukraynanın mövqelərinə hücum etmək üçün göndərmir, həm də bu insanların itkilərini gizlətməyə çalışır. Təlim zamanı da onların üzlərini göstərmək qadağan edilib. Ruslar onların mövcudluğunu sübut edən istənilən videonu silməyə çalışırlar. İndi isə döyüşçülərimizlə ilk toqquşmadan sonra ruslar öldürülən Şimali Koreya əsgərlərinin üzlərini sözün əsl mənasında yandırırlar”.

Ukrayna lideri bildirib ki, bu, hazırda Rusiyada geniş yayılmış hörmətsizliyin nümayişidir: “Şimali Koreya əsgərlərinin Rusiya Prezidenti Vladimir Putin adına döyüşərək ölmək üçün heç bir səbəbi yoxdur. Bu çılğınlığa son qoyulmalıdır”.

Zelenski vurğulayıb ki, müharibə daimi sülhlə bitməli və Rusiya cavabdeh olmalıdır. 

Günay