Daha iki ölkə BRİCS-ə qoşula bilər - Tarix AÇIQLANDI
Rusiya xarici işlər nazirinin müavini Sergey Ryabkovun açıqlamasına görə, Kuba və Boliviya 2025-ci il yanvarın 1-dən BRİCS-ə tərəfdaş ölkələr kimi qoşula bilər.
Sfera.az xəbər verir ki, “İzvestiya” qəzetinə müsahibəsində Ryabkov hər iki ölkənin dəvət aldığını təsdiqləyib və onların uğurlu tərəfdaş kimi daxil ediləcəyinə əmin olduğunu deyib.
Bu ölkələrin tərəfdaş statusu ilə bağlı müzakirələr hələ də davam etsə də, Ryabkov əmin edib ki, dəvət olunan ölkələrin heç biri təklifi rədd etməyib.
“Bunlar dəvət olunmuş bütün ölkələr üçün böyük, ciddi perspektivlərdir və siyahının açıqlanmasına bir neçə gün qalıb”, - o qeyd edib.
2023-cü ilin oktyabrında Rusiya prezidentinin köməkçisi Yuri Uşakov BRICS-in tərəfdaşları hesab edilən 13 ölkənin siyahısını açıqlamışdı. Noyabrın ortalarında Rusiya Tayland, İndoneziya və Malayziyanı yeni tərəfdaşlar kimi təsdiqləyib, Vyetnam da bloka qoşulmaqda maraqlı olduğunu bildirib.
Xatırladaq ki, Braziliya, Rusiya, Hindistan, Çin və Cənubi Afrikanın yaratdığı BRİCS 2024-cü il yanvarın 1-də Misir, Efiopiya, İran və BƏƏ-nin bloka qoşulması ilə üzvlüyünü genişləndirib.
Səudiyyə Ərəbistanı qoşulmağa dəvət olunub və gələn ildən Braziliya BRİCS-ə sədrlik edəcək.
Vasif
Sfera.az
