Fransanın Turret qəsəbəsində qeyri-adi hadisə baş verib. Yerli sakin Marselin Artur Hsieh (He) 2,5 milyon avroluq sərvətinin hamısını bələdiyyəyə vəsiyyət edib.

Sfera.az bildirir ki, bu pul qocalar üçün mərkəzin yaradılması və sosial layihələrin həyata keçirilməsinə sərf olunacaq.

Onun ianəsi həmçinin qeyri-kommersiya təşəbbüslərinin dəstəklənməsi üçün istifadə olunacaq.

Ömrünün çox hissəsini Tourrettedə keçirən Marselin He 95 yaşında vəfat edib. Vəsiyyətnaməyə əsasən, yaradılacaq mərkəz 10 nəfər üçün nəzərdə tutulub və 2026-cı ilə qədər istifadəyə verilməlidir.

Turret şəhərinin meri Kamil Buq mərhuma göstərdiyi səxavət üçün təşəkkürünü bildirib. O, layihənin yalnız sosial xarakter daşıyacağını və kommersiya məqsədləri güdmədiyini vurğulayıb.

“Biz özümüzü bu hədiyyəyə görə şanslı hesab edə bilərik, gəlin cənab Henin xatirəsini ayaqda alqışlamaqla ona minnətdarlığımızı bildirək”.

Marselinin hərəkəti yerli sakinlər arasında xoş reaksiyalara səbəb olub. Çoxları onun səxavətinin xarakterinin təbii davamı olduğunu qeyd edir. Sakinlərdən biri:

"Bu məni təəccübləndirmir, çünki o, həmişə başqalarına kömək edirdi"-deyə bildirib. Ömrünü qocalara qulluq etməyə həsr etmiş başqa bir sakin Anna bunun yaxşı ideya və gözəl miras olduğunu əlavə edib.

Kot d'Azurun yüksək dağlıq ərazilərində yerləşən kiçik bir şəhər olan Tourrette indi Marselin Henin sayəsində bir çox yaşlı sakinlərinin həyatını dəyişdirə biləcək mühüm sosial layihəni həyata keçirməyə hazırlaşır.

Aysel

95 yaşlı milyonçu bütün sərvətini doğma şəhərinə qoyub - FOTO