Polis 16 ildə 500-ə yaxın ailəni yenidən birləşdirdi: Bunu necə etdi?

Çinin şərqində həyatının 16 ilini ailələrin itkin düşmüş qohumlarını tapmağa həsr edən polis Şanq Çaoyang ofisinin qarşısındakı həyəti rəngli tamaşaya çevirib. O, basketbol meydançasında, səyləri ilə yenidən birləşən ailələrdən aldığı 300-dən çox təşəkkür bayraqları asıb.

Sfera.az bildirir ki, Şanq Çaoyaq öz xidmətini həyat missiyasına çevirib. Onun əzmkarlığı, biliyi və səmimi kömək istəyi qohumların uzun illərdən sonra yenidən bir araya gəlməsinə şərait yaradıb.

Zhejiang əyalətinin Şençjou şəhərində polis məmuru olan 54 yaşlı Şanq öz sahəsində əfsanəyə çevrilib. 2022-ci ildə onun şərəfinə itkin düşmüş şəxslərin axtarışı üçün xüsusi bölmə yaradılıb. Bu bölmənin ofisinin divarında hüquq-mühafizə orqanlarının əməkdaşlarının yaxınlarını axtaran insanlara kömək edə bildiyi bütün halların qeydi var. 16 il ərzində komanda 7300-dən çox müraciətə baxıb və 483 ailəni uğurla birləşdirib.

Vətəndaşların rahatlığı üçün ofisi şəhərin mərkəzinə köçürməzdən əvvəl Şan işinin əhəmiyyətini xatırlatmaq üçün təşəkkür vərəqələri nümayiş etdirib.

Şan işinə 2008-ci ildə başlayıb, boş vaxtlarında axtarışlar edib. Verilənlər bazalarına giriş olsa belə, bu iş asan olmayıb. Onun işi çoxlu məlumatların təhlili və mümkün uyğunluqların axtarışından ibarət olub, tez-tez ailələrə baş çəkmək lazım gəlib. 

Səmərəliliyi artırmaq üçün Şan, itkin düşən insanların üzlərinin yaşlandıqca necə dəyişə biləcəyini modelləşdirmək üçün genetik texnika və alqoritmləri öyrənib.

Təsirli hekayələr

Bu illər ərzində Şan bir çox heyrətamiz hekayələrin şahidi olub. Belə ki, ötən il o, Sıçuan əyalətindən olan anaya 32 il əvvəl qaçırılan oğlunu tapmaqda kömək edib. Oğlan itəndə cəmi iki yaşında olub. O, Henan əyalətində tapılıb.

Digər bir hadisə isə 9 yaşında Hançjouda itmiş 95 yaşlı qadındır. 86 illik ayrılıqdan sonra o, DNT testi və bir çox şəhər axtarışı sayəsində ailəsinə qovuşub.

Yenidən birləşən ailələrin fotolarının bir çoxunda Şanın xoşbəxtlikdən ağlayan insanların yanında gülümsədiyi, fotoşəkilləri görənlərin göz yaşlarına səbəb olduğu görünür.

Zamanın qiyməti

Lakin heç də bütün hekayələr müsbət notla bitməyib. 2021-ci ildə bir kişi ailə tapmaqda kömək üçün Şana müraciət edib. Səkkiz aydan sonra qohumlar tapılıb, lakin kişinin atası üç ay əvvəl vəfat edib.

"Əgər mən daha çox çalışsaydım, bəlkə də vaxtınd görüşərdilər" - deyə Şan təəssüflə xatırlayır.

Milli təşəbbüs

Çin 2021-ci ildə itkin düşmüş və oğurlanmış insanların axtarışını gücləndirmək məqsədi ilə Yenidən birləşmə kampaniyasına başlayıb. Təşəbbüs ilk ilində 11 minə yaxın itkin düşmüş uşağı tapıb.

İnternetdə çoxları Şan və komandasının işinə heyran qaldığını paylaşıb. 

Şanın işi təkcə fədakarlıq nümunəsi deyil, həm də ən çətin vəziyyətlərdə belə ümidi saxlamağın vacibliyini xatırladır.

Xanım