“Kraliça Elizabeth” qadına HƏVALƏ EDİLDİ - Tarixdə İLK DƏFƏ

Böyük Britaniya donanması tarixində ilk dəfə olaraq “Kraliça Elizabeth” gəmisinin komandanlığı qadına həvalə edilib.

Sfera.az xəbər verir ki, bu barədə Böyük Britaniyanın müdafiə jurnalı məlumat yayıb.

Belə ki, Kral Hərbi Dəniz Qüvvələrinin zabiti Kler Tompson Britaniyanın “Kraliça Elizabeth” təyyarədaşıyan gəmisinin komandiri təyin edilib. Tompson Kral Donanmasının qlobal əməliyyatlarına verdiyi mühüm töhfəyə görə Britaniya İmperiyasının ordeni ilə təltif edilib. Onun komandanlığı altında “Type 23 freqat Montrose”nin ekipajı narkotik vasitələrin qanunsuz dövriyyəsinin və qanunsuz silah daşımalarının qarşısını almaq üçün bir sıra uğurlu əməliyyatlar həyata keçirib.

2005-ci ildə Hərbi Dəniz Qüvvələrinə qatılan Tompson Cənubi Atlantik, Aralıq dənizi, Baltik dənizi və Karib hövzəsi də daxil olmaqla, müxtəlif Hərbi Dəniz Qüvvələrində xidmət edib.

“Kraliça Elizabeth” və eyni şəkildə dizayn edilmiş “Uels şahzadəsi” təyyarədaşıyan gəmisi 36 şaquli enişli F-35B qırıcısı və 4 helikopter daşımaq üçün nəzərdə tutulub, lakin lazım gələrsə, hər biri təxminən 70 qırıcı qəbul edə bilər.

Büdcəyə az qala 10 milyard dollara başa gələn hər iki gəmi tez-tez sıradan çıxdığı üçün dəfələrlə bahalı təmirə məruz qalıb.

Firuzə Əliyeva

Sfera.az