Zelenskidən yeni silahlarla bağlı AÇIQLAMA: "Artıq ölkədədir"
Ukrayna Danimarkadan F-16-ların ikinci partiyasını alıb.
Sfera.az bildirir ki, bu barədə Volodimir Zelenski “Telegram” kanalında məlumat verib. “F-16-ların ikinci partiyası artıq ölkədədir”, deyə ölkə başçısı qeyd edib.
O, həmçinin danimarkalılara minnətdarlığını bildirib. Zelenski Kiyevin neçə təyyarə aldığını dəqiqləşdirməyib.
Xatırladaq ki, noyabr ayında Danimarkanın baş naziri Mette Frederiksen 6 F-16 qırıcısının Ukraynaya təhvil verildiyini və daha 13 təyyarənin tədarükünün planlaşdırıldığını bildirmişdi.
Rusiya Xarici İşlər Nazirliyinin rəsmi nümayəndəsi Mariya Zaxarova isə daha əvvəl bəyan etmişdi ki, F-16 hərbi əməliyyatların gedişinə təsir edə bilməyəcək. “Rusiya silahlı qüvvələri tərəfindən ardıcıl olaraq məhv ediləcək”, deyə o vurğulamışdı.
Günay
