"Putin Lavrova görə səhər saat 6-ya "budilnik" qurmalı idi?" - Peskovdan QƏRİBƏ REAKSİYA
Rusiya liderinin mətbuat katibi Dmitri Peskov Lavrovun son müsahibəsinə reaksiya verib.
Sfera.az bildirir ki, o, bu barədə jurnalistlərin suallarını cavablandırıb. Peskov bildirib ki, Putinin nazirin müsahibəsini hələ də izləməyə vaxtı olmayıb.
“Deməli, sizcə, Prezident Vladimir Putin zəngli saatı səhər altıya qurmalı idi? Xeyr”, — Peskov Rusiya Federasiyasının rəhbərinin müsahibəni izləyə bilib-bilməyəcəyi ilə bağlı suala cavab olaraq deyib.
Qeyd edək ki, dekabrın 6-na keçən gecə amerikalı jurnalist Taker Karlson Rusiyanın xarici işlər naziri Sergey Lavrovdan müsahibə alıb. Söhbət təxminən bir saat yarım davam edib. Müzakirə zamanı beynəlxalq siyasət mövzularına, Ukrayna müharibəsinə, eləcə də ABŞ-nin yeni seçilmiş Prezidenti Donald Trampla bağlı mövqelərə toxunulub.
Günay
