Amber Herd boşandıqdan sonra ana olmağa hazırlaşır
Aktrisa Amberd Herd ikinci dəfə ana olacaq.
Sfera.az xarici mediaya istinadən xəbər verir ki, aktrisa indi ilkin mərhələdədir. Uşağın atasının adı açıqlanmır. Lakin o, xoşbəxtdir və artıq bu xəbəri 3 yaşlı qızı və yaxın dostları ilə bölüşüb.
Xatırladaq ki, 2022-ci ilin iyununda münsiflər heyəti Amber Herdi keçmiş ərinə qarşı böhtan atmaqda təqsirli bilib və aktyora 15 milyon dollar təzminat ödəməyi əmr edib. Daha sonra tərəflərin vəkilləri məbləği 1 milyon dollara endirməyə razılaşıblar. Conni Deppin özü qeyd edib ki, o, keçmiş arvadını məhv etmək niyyətində deyil, ancaq yaxşı adını qaytarmaq və reputasiyasını bərpa etmək istəyib.
Onu zorakılıqda ittiham edən aktrisa Amber Herddən qalmaqallı boşandıqdan sonra Deppə böyük layihələrdə rol təklif edilməyib. 2018-ci ildən o, "Böyük" filmində, "Karib dənizinin quldurları"nın altıncı hissəsində və "Fantastik heyvanlar" franşizasındakı rollarını itirib.
Keçən yazda Amber Herdın Hollivudu tərk edərək Madridə köçməsi ilə bağlı məlumatlar ortaya çıxıb. Jurnalist Herdın yaxın dostunun sözlərinə istinad edərək, aktrisanın ispan dilini mükəmməl bildiyini və qızını Amerika mətbuatının diqqətindən yayındıraraq İspaniyanın paytaxtında yeni həyatından həzz aldığını qeyd edib.
İnci
