“Shell” və “Equinor” RAZILAŞDI - Britaniyada nəhəng şirkət yaradılır

Niderlandın “Shell” və Norveçin “Equinor” şirkətləri Britaniyanın ən böyük neft və qaz şirkətini yaratmaq haqqında razılığa gəliblər.

Sfera.az xarici mediaya istinadən xəbər verir ki, “Shell” və “Equinor” şirkətləri bu gün Böyük Britaniyanın dənizdəki neft və qaz aktivlərini birləşdirərək birgə enerji şirkəti yaratmağı planlaşdırdıqlarını açıqlayıblar.

Yeni birgə müəssisə yerli neft və qaz hasilatını dəstəkləmək və Böyük Britaniyanın enerji təchizatının təhlükəsizliyini təmin etmək üçün yaradılacaq. Sövdələşmə başa çatdıqdan sonra, yeni müstəqil istehsalçı Böyük Britaniyanın Şimal dənizində onilliklər təcrübəsi olan iki aparıcı qlobal enerji şirkətləri olan “Equinor” (50%) və “Shell”in (50%) birgə mülkiyyətində olacaq.

Şimal dənizindəki yataqlarda hasilat təbii olaraq azalmaqdadır. Yeni yaradılacaq şirkət daha çevik, rəqabətqabiliyyətli və strateji cəhətdən yaxşı imkanlar yaradacaq.

Vasif

Sfera.az